Alavesek ezin izan du Gironaren aurkako kanporaketa gainditu (2-1)
Alavesek galdu egin du Gironaren kontra (2-1) Montilivin, Errege Kopako final-hamaseirenetako kanporaketan.
Hasierako minutetan norgehiagoka ez da oso ikusgarria izan, talde biak kontu handiz zelairatu baitira. Egoera apur bat aldatu da 18. minutuan. Douglas Luiz brasildarrak falta bat jaurti du zuzenean hegaletik eta Siverak gelditua egin behar izan du.
Abelardoren mutilen erantzuna handik minutu batera heldu da. Borja Bastonek eserita utzi du Jonas Ramalho jokalari bizkaitarra dribilin batekin, baina area txiki barrutik egin duen jaurtiketa marra azpitik atera du Valery Fernandez atzelariak.
Gasteizko taldea jakitun zen kanporaketa gainditzeko gola sartu behar zuela, eta horretan ahalegindu da atsedenaldira heldu arte. Hala etorri dira Burguik izan dituen bi abagune garbi. Lehendabizikoari Gorka Iraizoiz atezainak erantzun paregabea eman dio; bigarrenak, aldiz, zutoinaren aurka egin du tupust.
Alavesek are grina gehiagorekin ekin dio bigarren zatiari. Ruben Sobrinok lanean jarri du berriro Iraizoz 50. minutuan, area hegaletik egindako saiakera batekin, baina atezain nafarrak kornerrera bidali du aurrelariaren jaurtiketa.
Dena den, handik gutxira, 61. minutuan, arabarrek aurretik jartzea lortu dute. Borja Bastonek Gironaren atezainaren irteera gainditu du baloi loratu batekin. Baloia golerako bidean zihoan, baina, hura aldentzeko ahaleginean, Pedro Alcalak bere atean sartu du baloia buruarekin.
Babazorroak abantaila areagotzeko zorian egon dira Burguiren eta Ruben Sobrinoren bitartez; aitzitik, etxeko taldeak, Patrick Roberts eta Borja Garcia jokalarien irteerarekin pizturik, berehala erantzun dio gasteiztarren golari. Horrela, 72. minutuan, Alex Granellek markagailua orekatu du falta baten bidez.
Zaleen animoen bultzada bidelagun zutela, etxekoek hurrengo kanporaketan izateko eskubidea eman dien bigarren gola lortu dute neurketa amaitzeko 10 minutu besterik falta ez zirela. Portu izan da golegilea.
Fitxa teknikoa:
Girona 2: Gorka Iraizoz; Yhoan Andzouana (Patrick Roberts, 68. min), Jonas Ramalho, Pedro Alcala, Juanpe, Valery Fernandez; Douglas Luiz, Alex Granell; Portu, Choco Lozano (Borja Garcia, 68. min) eta Seydou Doumbia (Bernardo Espinosa, 76. min).
Alaves 1: Antonio Sivera; Carlos Vigaray, Guillermo Maripan, Adrian Dieguez, Adrian Marin (Patrick Twumasi, 82. min); Rubén Sobrino (Jony, 79. min), Darko Brasanac, Daniel Torres, Burgui; John Guidetti (Jonathan Calleri, 70. min) eta Borja Baston.
Golak: 0-1, min. 61: Pedro Alcala (bere atean). 1-1, min. 72: Alex Granell. 2-1, 79. min: Portu.
Epailea: Mateu Lahoz. Txartel horiak: Juanpe eta Borja García (Girona); Adrian Dieguez, John Guidetti eta Adrian Marin (Alaves).
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.