Alavesek Champions postuetan jarraitu nahi du Sevilla liderrari irabazita
Alavesek Sevilla liderra izango du aurkari igande honetan, 20:45ean, Mendizorrotzan. Arabako taldea sailkapeneko laugarren postuan da 23 punturekin eta Sevilla lehen postuan da, 26 punturekin.
Talde babazorroak Mendizorrotzan daraman bolada onari eutsi nahi dio, apirilatik ez baitu etxean porrotik jaso. Alavesek Rodrigo Elyren baja du, eta Dani Torres zalantza da. Abelardo Fernandezek aterako duen hamaikakoan Fernando Pacheco izango da atezaina, defentsako lerroa Martinek, Ximo Navarrok, Laguardiak eta Ruben Duartek osatuko dute, zelai erdian Pina, Brasanac eta Manu Garcia egongo dira, hegaletan Ibai Gomez eta Jony, eta aurrealdean Jonathan Calleri. Abelardo entrenatzaileak zelai erdiko jokalari bat kendu eta bi aurrelarirekin joka dezake; kasu horretan Borja Baston sartuko litzateke hamaikakora.
Sevilla lidertzan dago Ligan, baina Europa Ligan Standard Liejaren aurka galtzetik (1-0) dator. Jesus Navas lesionatuta dago, eta ez du jokatuko. Aleix Vidal, aldiz, zalantza da. Luzerako min hartuta dagoen Gonalonsen baja ere badu talde andaluziarrak. Ondorioz, litekeena da Mercadok hegaleko defentsa postuan jokatzea.
Ustezko hamaikakoak:
Alaves: Pacheco; Martin Aguirregabiria, Ximo Navarro, Laguardia, Duarte; Ibai Gomez, Brasanac, Manu Garcia edo Borja Bastón, Jony; eta Calleri.
Sevilla: Vaclik; Mercado, Carriço, Kjaer, Sergi Gomez, Escudero; Sarabia, Ever Banega, Franco Vazquez; Ben Yedder eta Andre Silva.
Epailea: Jose Maria Sanchez Martinez.
Zelaia: Mendizorroza.
Ordua: 20.45ean.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.