Alaves Kopa gabe geratu da Bartzelonaren aurka finala galdu ostean
Alavesek 3-1 galdu du Bartzelonaren aurka jokatu duen Errege Kopako finala eta ezin izan du bere historiako lehen titulua eskuratu. Barça izendatu da txapeldun Vicente Calderonen.
Norgehiagoka parekatuta hasi da. Bartzelona izan da baloiaren jabe, Alaves lasai egon da tokia galdu gabe eta kontraerasora ateratzeko prest. Lehen abisua Alavesek eman du Deyversonen bitartez, baina jokaldia ezerezean geratu da. Bartzelonaren erantzuna bosgarren minutuan etorri da gutxigatik kanpora joan den Alcacerrek buruz egindako erremate baten ostean. Neurketako 26. minutuan izan du abagune argiena Alavesek; Ibaik area barruan jaurtiketa egin, baloiak zutoina eta Cillessen atezainaren bizkarra jo, eta goleko marra gainetik ibili ostean ez da ate barrura sartu. Aldaratzea Deyversonek jaso eta jaurtiketa kanpora bidali du. Hurrengo minutuan Barçak izan du gola sartzeko aukera, baina Pacheco atezainak Alcacerren errematea desbideratu du. Bartzelona baloiaren jabe egin da lehen zatiaren erdialdetik aurrera eta 30. minutuan Messik 1-0ekoa sartu du area kanpotik maisuki egindako erremate baten bitartez. Alavesek, ordea, ez du etsi eta 33. minutuan partida berdindu du (1-1) Theo Hernandezek faltaz sartutako gol ikusgarri bati esker. Lehen zatiko azken txanpa, aldiz, oso gogorra izan da Alavesentzat, Bartzelonak bi gol sartu baititu atsedenaldira iritsi aurreko minutuetan. Lehiako 45. minutuan Neymarrek 2-1koa sartu du jokoz kanpoko posizioan eta 48. minutuan, justu aldageletara joan aurretik, Alcacerrek sartu du 3-1ekoa.
Bigarren zatiari erasokor ekin dio euskal taldeak eta Ibai Gomezen falta jaurtiketa oso gutxigatik kanpora joan da. Bartzelonak azkar erantzun du, baina Pacheco atezainak blaugranen gola eragotzi du Alcacerren erremateari erantzun bikaina emanda. Norgehiagokako 69. minutuan Cillessen atezainak Deyversonek behartuta egin duen errematea desbideartu du, eta minutu bat beranduago epaileak baliorik gabe utzi du Deyversonen gola Alaveseko aurrelaria jokoz kanpo egon delako. Azken minutuetan saiatu da Arabako taldea aldeak murrizten, baina ezin izan du aurkariaren atea zulatu. Bartzelonak ondo eutsi dio Alavesi amaierako minutuetan eta txapeldun izendatu da.
Fitxa teknikoa:
3 - Bartzelona: Cillessen; Mascherano (Andre Gomes, m. 9), Pique, Umtiti, Jordi Alba; Sergio Busquets, Rakitic (Aleix Vidal, m. 82), Iniesta; Messi, Paco Alcacer eta Neymar.
1 - Alaves: Pacheco; Kiko Femenia, Vigaray, Rodrigo Ely, Feddal, Theo Hernandez (Romero, m. 79); Edgar Mendez (Camarasa, m. 59), Marcos Llorente, Manu Garcia, Ibai (Sobrino, m. 59); eta Deyverson.
Goleak: 1-0, m. 30: Messi; 1-1, m. 33: Theo Hernandez; 2-1, m. 45: Neymar; 3-1, m. 48+: Paco Alcacer.
Epailea: Clos Gomez.
Clos Gomez.Zure interesekoa izan daiteke
Coudetek Jonnyren eta Boyeren lesioak deitoratu ditu: "Sevillaren aurkako partida nahiko garesti atera zaigu"
Arabako entrenatzailearen ustez, taldeak "joko ona" egin du, eta "garaipena merezi izan dute". Gainera, bigarren gol batekin partida itxi ezin izana deitoratu du: "Azken jokaldiarekin apur bat sufritzen bukatzen dugu beti". Azaldu duenez, Jonnyren arazoa gainkarga bat dela dirudi, baina Lucas Boyeren lesioa, "ziurrenik, konplexuagoa izango da".
Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia probokatu du, eta handik gutxira min hartuta ordezkatu behar izan dute.
Akziodunen % 99,4k onartu dituzte Alavesen kontuak eta 90 milioi euroko aurrekontua
Klub babazorroaren historiako aurrekonturik handiena da astearteko batzarrean aurrera ateratakoa.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren ateriko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek babazorroen ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.