Alavesek lidergoa galdu du Leganesen (2-0)
Abiadura goian, sendotasuna atzean, eta intentsitatea partida osoan. Horiek dira Leganesen puntu sendoak, eta horiei esker jarri da lider Bigarren Mailako sailkapenean. Madrildarrak Alavesi gailendu zaizkio 2-0, eta arabarrek orain arte izandako lehen postu hori galdu dute.
Gauza asko zeuden jokoan, eta bi taldeak garaipenaren bila atera dira lehen minututik. Arabarrak hobeto kokatuta izan dira, baina baloiaren jabetza Leganesekoek izan dute. Etxe taldea berehala hasi da arriskua sortzen, baloi luzeekin gasteiztarren defentsaren bizkarra bilatuz.
Horrelako batean iritsi da lehen gola, Cesar Sorianok egindako jokaldia Ruben Peñak errematatu duenean.
Alavesek gogoa jarri du, baina ez du zulorik aurkitu.
Atsedenaldiaren ostean, erasoak bi areatan izan dira, baina Alavesek sortu du arrisku gehien, eta Serantesek egindako ustezko penalti bat ere erreklamatu dute, baina epaileak ez du ezertxo ere adierazi. Manu Garciak aukera bikaina izan du falta jaurtiketa batean, baina baloia langaren gainetik joan zaio. Gero nekea iritsi da, eta epaileak Pelegrin kalera bota du, bi txartel hori aterata.
Azken aurreko kolpea izan da arabarrentzat, Borja Lazarok bigarren gola egin duelako 88. minutuan, norgehiagoka erabakita uzteko.
Fitxa teknikoa:
2 - Leganes: Serantes; Víctor Díaz, Mantovani, Insua, César Soriano; Timor, Sastre (Alberto Martín, 75. min), Gabriel (Ruiz de Galarreta, 81. min); Omar Ramos, Szymanowski eta Rubén Peña (Borja Lázaro, 87. min).
0 - Alaves: Pacheco; Estrada, Einar, Pelegrín, Raúl García; Sergio Mora, Manu (Pacheco, 70. min), Kiko Femenía, Dani Ábalo (Llamas, 56. min); Juli eta Guichón (Torres, 65. min).
Golak: 1-0, 18. min: Rubén Peña 2-0, 88. min: Borja Lázaro.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.