Caballero argentinarraren altuera gehiegi izan da Alavesentzat (3-2)
Pablo Caballero argentinarrak buruarekin egindako erremateek kalte handia egin diote Alavesi Lugon jokatutako partidan. Hala ere, arabarrek norgehiagoka berdintzeko aukera izan dute azken minutura arte.
Lehen gola Lugok egindako jokaldi on baten ondorioz iritsi da. Baloia Pablo Caballerori bidali diote, bigarren zutorinera, eta argentinarrak baloia sarera bidali du, buruarekin errematatuta. Galiziarrak lehen zatiko 25. Minutua aurreratu dira.
Bigarren zatian hasi eta zazpi minutura egin du etxekoen bigarrena Caballerok. Metro eta 91 zentimetroko altuera aprobetxatuta, jauzi egin eta buruz errematatu du berriro, Goitia gaindituz.
Lugok partida erabakitzeko aukerar izan ditu, baina Alaves izan da hurrengo gola egin duena. Manu Barreirori penaltia egin diote eta Barreirok berak jaurti du zigorra, arabarren lehen gola sartzeko.
Arabarrak berdinketa lortzen saiatu dira eta aurkariak estutu ditu, baina orduan Lugok hirugarrena egin du Toni Rodriguezen bitartez.
Alberto Lopezen gizonek ez dute amore eman eta amaierarako 11 minuturen faltan bigarrena egin dute. Golegilea, Manu Barreiro. Partidako azken minutuetan emozioa izan da nagusi, baina markagailuan ez da aldaketarik izan.
Fitxa teknikoa
3 - Lugo: Dani Mallo; Dalmau, Israel Puerto, Borja Gómez, Manu; Fernando Seoane, Carlos Pita; Iriome (David Ferreiro, 67. min), David López (Pelayo, 75. min), Toni Rodríguez (Iago Díaz, 89. min); eta Pablo Caballero.
2 - Alaves: Goitia; Medina, Laguardia, Jarosik, Raúl García; Juanma (Sangalli, 73. min), Toribio (Ion Vélez, 61. min), Manu, Toti; Lanzarote (Sergio Llamas, 61. min) eta Manu Barreiro.
Golak: 1-0, 25. min: Caballero. 2-0, 52. min: Caballero. 2-1, 60. min: Manu Barreiro, penaltiz. 3-1, 68. min: Toni Rodríguez. 3-2, 79. min: Manu Barreiro.
Manu Barreiro.Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.