Salsamendik Orioko entrenatzaile izateari utzi dio, eta Arostegik hartuko du haren lekukoa
Jon Salsamendik ez du Orioko gizonezkoen taldea zuzentzen jarraituko. Hala jakinarazi du oriotarrak berak gutun bidez ostiral honetan, urriaren 20an. Ordu batzuk geroago, klubeko zuzendaritza berriak jakinarazi du Mikel Arostegi dela gizonezkoen lehen taldeko entrenatzaile berria.
Salsamendiren gutuna honela hasten da: "Urriak 10 astearte gauean jasotako telefono deiaren ondoren, familia eta 2023 denboraldian nirekin batera aritutako arraunlariei adierazi nien 2024 denboraldian ez nintzela ORIO AEko entrenatzaile izango. Ordutik honaino, arraun elkarteko hauteskunde prozesu bat medio, beste inon ez dut adierazpenik egin nahi izan, betiere, prozesu horri eta Elkarteari diodan errespetu eta maitasunagatik. Urriak 17 asteartean berriz, behin betiko zuzendaritza batzorde berria aurkezteko ezohiko batzarraren ondoren, presidente berriaren adierazpenak entzunda, nire izenak, berriro ere ORIO AEren 2024 proiektuarekin nolabaiteko binkulazioa eduki zezakeela airean geratu zela iruditu zitzaidan. Gauzak horrela, batzuk era batera eta beste batzuk bestera, denetarik esan edo entzun daitekeela onartuz, nire aldetik, esatekoak, ixiltasunetik askoz hobeago ulertuko zaidalakoan nago".
Ondoren, eskerrak eman dizkie zaleei, klubari eta babesleei: "Gaur, urriak 20, ostirala, gauza bat bakarra dut esateko. Laster 53 urte beteko ditut, 38 jarraian arraunean eta horietatik 27 Orion. Orio AE osatzen duen komunitate osoari, zaleei, babesleei eta Orioko udal eta herritar guztiei, ESKERRIK ASKO. Momentu zoragarriak bizitzeko emandako aukeragatik, ESKERRIK ASKO. Kirol emaitzak albo batera utziz, hainbeste urtetan, hainbeste arraunlarirekin (ehundaka) bizitakoa elkarrekin bizitzen uzteagatik, ESKERRIK ASKO. Zaleen pozak, tristurak, baina, batez ere, ilusioak elkarbanatzeagatik, ESKERRIK ASKO. Konfiantza eman didazuen guztiei eta kritikatik hobea izatera bultzatu nauzuenei ere, ESKERRIK ASKO".
Eskutitzaren amaieran, hauxe esan du: "Bukatzeko, aurreko bi zuzendaritza taldeei eta, bereziki, hurrengo lau urteetarako elkartearen zuzendaritza kudeatzera konprometitu den lantaldeari, oso jende gutxik hartuko lukeen erantzukizuna hartzeagatik, ESKERRIK ASKO, eta indartsu mantendu aurrera begira. Honekin batera, eskaera bat zale eta, batik bat, herritar guztiei: babes ditzagun denon artean lantalde honen erabakiak, eta, batik bat, elkarte barruko "gorabeherak" ez dezala inondik inora herri bizikidetza nahastu. Iritzi ezberdinak zilegi dira, bai, baina herri bizikidetza zaintzen ez badugu, beste guztiak ez luke inongo zentzurik. Mila esker denoi bihotzez, eta AUPA ORIO!".
Zure interesekoa izan daiteke
Euskotren Ligako Orio taldeko 16 arraunlarik oharra kaleratu dute, Zuzendaritza kritikatuz
Oharrean diote Zuzendaritzak zalantzan jarri duela eta ez dituela baloratu taldeak 2025eko denboraldian egindako lana, lortutako emaitzak eta izandako profesionaltasuna. Horrez gain, salatu dute gutxietsiak izan direla emakumeak izateagatik.
2025eko Euskotren Ligako Getariako Ikurrina: Orioren estropada, traineru barrutik ikusita
Orio hirugarren sailkatu da Getariako Ikurrinan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Patxi Francesek ez du Orioko arraun taldea entrenatzen jarraituko
Taldeak argitaratutako oharraren arabera, Francesek ez ditu Orioko arraunlariak gidatuko datorren sasoian, lau denboraldiren ostean.
2025eko Euskotren Ligako Euskotren Bandera: Orioren estropada, traineru barrutik ikusita
Orio bigarren gelditu da Lekeitioko uretan lehiatu den Euskotren Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Oriok Caixabank Bandera irabazi du, baina Arraun Lagunakek lidergoari eutsi dio
Oriok Euskotren Ligako bigarren bandera eskuratu du Castroko uretan. Hala ere, Juan Mari Etxabek zuzentzen duen traineruak jarraitzen du lider, bost bandera irabazita.
Denboraldiko bigarren bandera Oriorentzat
Patxi Franzesek zuzentzen duen taldeak Euskotren Ligako bigarren bandera eskuratu du Castroko uretan. Hala ere, Juan Mari Etxabek zuzentzen duen traineruak jarraitzen du lider, bost bandera irabazita.
Ane Arruti: ''Bagenekien atzetik ginela baina lanean jarraitu dugu, lortu arte''
Oriok Castron jokatutako Caixabank Bandera irabazi du, Arraun Lagunak liderra gutxigatik mendean hartuta.
Oriok hainbeste bilatutako garaipena lortu du etxeko banderan
Aurreko bost estropadetan bigarren geratu ondoren, azkenean garaipena lortu du Orion bertan jokatutako Orio Kanpina Banderan. Hala, bandera ez ezik, Euskotren Ligako lidertza ere lortu du.
Maider Etxaniz: ''Lehenengo bandera eta lidertza etxean eskuratu ditugu; ezin da gehiago eskatu''
Lehendabiziko bost jardunaldietan bigarren izan ostean, Oriok denboraldiko lehen bandera irabazi du etxean jokatu duen estropadan, eta, gainera, Euskotren Ligako lidertza kendu dio Donostia Arraun Lagunaki. Maider Etxaniz patroia pozarren agertu da garaipen handi horrekin.
2025eko Euskotren Ligako Gertu Eraikuntzak Bandera: Orioren estropada, traineru barrutik ikusita
Orio bigarren izan da 2025eko Gertu Eraikuntzak Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.