Donostiarrak irabazi du Euskotren Ligako Rianxeira Bandera, Arraun Lagunak eta Orio mendean hartuta
Donostiarrak irabazi du Euskotren Ligako Concello do Boiro Bandera, igande honetan, abuztuaren 13an. Ligako sailkapen nagusian, aldiz, Arraun Lagunak liderrak 6 puntu ateratzen dizkio Orio bigarrenari.
Lehen txandan lehiatu dira Hibaika (1. kaletik), Tiran (2. kaletik), Cabo (3. kaletik) eta Hondarribia (4. kaletik). Erritmo biziarekin ekin dio estropadari Hibaikak, eta azkarrena izan da ziabogan, Hondarribiari segundo bat aterata. Gainera, bigarren luzean, aurkariekiko abantaila handitu du Hibaikak, eta lehen txanda irabazi du, 10:51.64ko markarekin. 4 segundo atera dizkio Hondarribiari, 6 Cabori eta 36 Tirani.
Ondoren, bigarren txandan, traineru hauek ibili dira lehian: Tolosaldea (1. kaletik), Donostiarra (2. kaletik), Orio (3. kaletik) eta Arraun Lagunak (4. kaletik). Orio ondo irten da, baina lehen metroak igaro ostean Arraun Lagunak jarri da buruan. Hala ere, lehen luzearen amaieran, Donostiarra kokatu da lehen postuan, eta bera izan da onena ziabogan, Arraun Lagunak segundo batera utzita, Orio 3ra eta Tolosaldea 6ra. Gainera, bigarren luzean, bikain eutsi dio erritmoari Donostiarrak, aurkariek ezin izan dute aldea murriztu eta garaipenak ez dio ihes egin. Donostiarrak irabazi du Boiroko Bandera, 10:24.08ko markarekin. Atzetik, lehia estua izan dute Arraun Lagunakek eta Oriok, baina, azkenean, Arraun Lagunak izan da bigarren, 3 segundora, eta Orio hirugarren, 7ra. Tolosaldeak laugarren bukatu du, 12ra.
Estropadako sailkapenean, Hibaika izan da bosgarren, Hondarribia (10:55.66) seigarren, Cabo (10:58.36) zazpigarren eta Tiran (11:28.24) zortzigarren.
Hala, bada, Euskotren Ligako sailkapen nagusian lidertza sendotu du Arraun Lagunakek (80 puntu), eta, orain, 6 puntu ateratzen dizkio bigarrenari, Oriori (74 puntu). Donostiarra da hirugarren (65 puntu) eta Tolosaldea (60 puntu) laugarren. Sailkapenaren behealdean, Hibaika (33 puntu) seigarren dago, Cabo (23 puntu) zazpigarren eta Tiran (14 puntu) zortzigarren.
Rianxeira Banderako sailkapena:
Euskotren Ligako sailkapen nagusia:
Zure interesekoa izan daiteke
Donostiarra, oso une gozoan
Donostiarrak ez zion behar bezala ekin denboraldiari, baina behetik gora egin du nabarmen, eta horren adibide da Kontxan laugarren postua lortu izana. Sasoi betean iritsiko da asteburuko play-offera.
Donostiarra lehen aldiz izango da Kontxako Banderaren lehian
Azken asteotan izandako susperraldiaren ondorioz, Donostiarra arraun taldea Kontxako Banderaren sailkatze-probatan izango da lehen aldiz. Itxaso Uzkudun arraunlaria baikor agertu da erronkaren aurrean.
Euskotren Ligako azken postua utzita, gehiago nahi du Donostiarrak
Euskotren Ligako sailkapeneko azken postua uztea lortu du Donostiarrak Galizian egindako estropaden ostean. Orain, taldeak gorantz jotzea du helburu. Naroa Garamendik EITB Mediarentzat aztertu du orain arte lortutakoa, eta denboraldi amaierara arteko helburuak ere izan ditu mintzagai.
2025eko XL El Correo Ikurrina: Donostiarraren estropada, traineru barrutik ikusita
Donostiarra hirugarren gelditu da XL El Correo Ikurrinan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Estropada bakoitza lehiatzea du helburu Donostiarrak
Arkaitz Diaz Donostiarra taldeko patroiaren esanetan, estropadaz estropada lehiatu nahi dute denboraldi honetan. 4. daude Ligan, bandera bat irabazita, Oriorengandik 9 puntutara.