Donostia Arraun Lagunakek laugarren aldiz irabazi du Euskotren Liga
Donostia Arraun Lagunakek ez du hutsik egin, eta hirugarren urtez segidan, laugarrenez bere historian, irabazi du Euskotren Liga, gaur Ondarroako Bandera bereganatuta, Liga bukatzeko jardunaldi baten faltan. Ondarroan lortu zuten lehendabiziko bandera elitean, eta Ondarroan borobildu dute denboraldi bikaina.
Edonola ere, gaurkoan Arraun Lagunak ez da ohiko indarrarekin atera, eta estropadako lehendabiziko minutuetan hirugarren tokian joan da, Tolosaldea eta Orioren atzetik, bi segundora; beraz, lehia handia izan da.
Ziabogaren ostean, Arraun Lagunakek aurrea hartu dio Oriori, baina Tolosaldeak oso saio ona egin du, eta azken luzea liderra hiru segundora zuela hasi du. Orio eta Zumaia, berriz, atzean geratu dira.
Garaipena Tolosaldea eta Arraun Lagunaken artean zegoela argi geratu da azken txanparako, eta amaierako metroak zirraragarriak izan dira. Bi traineruak batera heldu dira, eta foto finisha erabili behar izan dute irabazlea nor izan den argitzeko.
Beste behin, eta 44 ehunenengatik izan bada ere, Juan Mari Etxaberen neskak izan dira nagusi (10 minutu eta 50 segundo), eta zoramena piztu da Lugañene ontzian emaitzaren berri jaso dutenean. Orio (+8) eta Zumaia (+11) izan dira hirugarren eta laugarren, hurrenez hurren.
Ondarroako Bandera bereganatzeaz gain, Euskotren Liga ere irabazi dute, laugarren aldiz historian, eta hirugarren urtez jarraian. Ligan lehiatu diren 15 jardunaldietako 12 irabazi dituzte. Onenak izan dira eta merezita irabazi dute titulua. Hurrengo helburua: Kontxako Bandera.
Bestalde, lehenengo txandan, Donostiarrak eta Hondarribiak borroka latza izan dute, biek ala biek ETE ligara zuzenean jaisteko aukera baitute, eta, ondorioz, tentsio handiko estropada izan da.
Maniobraren ostean, Hondarribia jarri da buruan, eta Donostiarrari lau segundoko tartea atera dio. Itzulerako luzean, baina, Donostiarrak atzetik aurrera egin du, eta aldea murriztu dio Hondarribiari. Gainera, lau ontziak parean iritsi dira azken txanpara, eta emozio handiko bukaera izan da.
Azkenean, Astillero gailendu da, lanak 11 minutu eta 4 segundoan amaituta. Donostiarra eta Hondarribia bata bestearen atzetik sartu dira, 26 ehuneneko tartearekin. Hibaika, berriz, laugarren tokian sailkatu da, bi segundora.
Igandean erabakiko da mailaz bietako zein jaitsiko den, Getarian, Euskotren Ligako azken jardunaldian. Alabaina, estropada nola hasi den kontuan hartuta, Donostiarrak beste kolpe bat eman dio Hondarribiari, aurretik sailkatuta eta, ondorioz, bere alde puntu bat gehiago pilatuta.
Zure interesekoa izan daiteke
Musikaz eta ''txapeldunak'' oihukatuz hartu dituzte Arraun Lagunakeko neskak
Arraun Lagunakek laugarrenez altxatu du Kontxako Bandera, eta, Euskotren Liga irabazi ostean, denboraldia borobildu du. Zaleekin ospatu dute garaipena.
Jule Arkotxa: ''Kontxako Bandera irabazita, beti izan dudan ametsa bete dut''
Donostia Arraun Lagunakek nagusitasun handiz irabazi du Kontxako Bandera laugarrenez, hirugarren urtez jarraian. Denboraldiari bukaera ezin hobea eman diote, Euskotren Liga ere aise bereganatu baitute. "Gaur, beti izan dudan ametsa bete dut", adierazi du Jule Arkotxa arraunlari lekeitiarrak.
Arraun Lagunakek eskura du Kontxako Bandera
Lorea Etxabe Arraun Lagunak taldeko arraunlariak Kontxako Banderaren gainean hitz egin du, irabazteko duten gosea azpimarratuta. Lehen jardunaldian, Tolosaldeari 10 segundoko errenta atera zion.
Arraun Lagunakek urrats handia egin du Kontxako Bandera irabazteko
Arraun Lagunak, Kontxako Banderaren egungo txapelduna, 2024ko eta 2023ko lorpena errepikatzeko bidean da, Tolosaldea (bigarren) eta Orio (hirugarren) 10 segundoko desabantailarekin abiatuko baitira datorren igandeko bigarren jardunaldi erabakigarrian.
Arraun Lagunakek erakustaldia emanda irabazi du Kontxako lehen jardunaldia, Tolosaldeari 10 segundo aterata
'Lugañene' traineruak bereganatu du garaipena 2025eko Kontxako Banderaren lehen jardunaldian, bigarrenari, Tolosaldeari, 10 segundoko errenta aterata. Orio izan da hirugarren, 10 segundo eta 84 ehunenera, eta Zumaia laugarren, 15 segundora.
Joana Halsouet: ''Oso determinatuak atera gara, eta gure estropadaz pozik gaude''
Donostia Arraun Lagunakek indar erakustaldia egin du Kontxako Banderaren lehen jardunaldian, eta Tolosaldeari nahiz Oriori 10 segundoko tartea atera die datorren igandeko lehia erabakigarriari begira. Joana Halsouet patroia gustura agertu da bere traineruak egindako lanarekin.
Itziar Eguren, Arraun Lagunak: ''Badirudi guk egiten dugunak ez duela baliorik''
Arraun Lagunak taldeak laugarren aldiz irabazi du Euskotren Liga. Eguren presidenteak horren atzean dagoen lana eta konpromisoa nabarmendu ditu. Horrekin batera, salatu du lan horren etekinek askotan izaten duten oihartzun apala.
Arraun Lagunakek gogotik ospatu du Euskotren Liga laugarren aldiz irabazi izana
Donostia Arraun Lagunakek laugarren aldiz irabazi du Euskotren Liga, eta, gaur arratsaldean, liga amaituta, harrera epela egin diete txapeldunei Donostian. Arraunlariek gogotik ospatu dute.
2025eko Euskotren Ligako Getariako Ikurrina: Arraun Lagunaken estropada, traineru barrutik ikusita
Arraun Lagunak bigarren sailkatu da Getariako Ikurrinan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Tolosaldearentzat Getariako Ikurrina, Arraun Lagunakentzat Euskotren Ligako koroa
Tolosaldea gailendu da Getariako uretan, eta Donostia Arraun Lagunakek irabazi du Euskotren Liga. Hondarribia, berriz, ETE ligara jaitsi da, sailkapen nagusian azken tokian bukatu baitu denboraldia.