Urdaibaik irabazi du Eusko Label Ligako Orioko Bandera, erakustaldia emanda

Bermeoko taldeak bereganatu du garaipena Orion. Hondarribia izan da bigarren eta Donostiarra hirugarren. Eusko Label Ligako sailkapen nagusian Hondarribia da liderra, Urdaibai bigarren bi puntura eta Zierbena hirugarren hiru puntura.

20230716143653_urdaibai_ — Denboraldiko bigarren bandera Urdaibairentzat

A. B. E. | EITB

2023/07/16 - 16:14

Azken eguneratzea

2023/07/16 - 16:27

Urdaibaik irabazi du Orioko Bandera, igande honetan, uztailaren 16an, eta Bermeoko taldeak denboraldi honetako bigarren garaipena bereganatu du. Gainera, ligako sailkapen nagusian bigarren kokatu da, Hondarribia liderrarekiko bi puntura.

Ohorezko txandan lehiatu diren lau taldeen artetik atera da irabazlea. Urdaibai buruan jarri da hasieratik, pixkanaka-pixkanaka aurkariekiko abantaila hartzen joan da, eta aise nagusitu da Orioko uretan, 20 minutu eta 34 segundoko markarekin. Bigarren postua eskuratzeko borroka , ordea, oso estua izan da: parekatuta ibili dira Hondarribia eta Donostiarra, baina, azkenean, segundo bakarragatik izan da bigarren Hondarribia (20:46). Donostiarrak (20:47) hirugarren amaitu du. Denbora gehiago behar izan du estropada amaitzeko laugarren izan den Zierbenak (20:57).

Orioko Banderako bosgarren postua Getariarentzat (21:05.14) izan da. Getariarrek lehen txanda irabazi dute, baita estropada bikaina egin ere. Seigarren postua, aldiz, Lekittarra (21:05.60) bigarren txandako garailearentzat izan da. Aipatu behar da Getariaren eta Lekittarraren artean 46 ehuneneko aldea besterik ez dela egon.

Estropadako azken postuei dagokienez, Kaiku (21:31) izan da hamargarren, Samertolameu (21:35) hamaikagarren eta Cabo (21:51) hamabigarren.

Hala, bada, Eusko Label Ligako sailkapen nagusiko lehen postuan da Hondarribia 54 punturekin. Talde gipuzkoarrak bi puntuko abantaila du bigarren den Urdaibairekiko ( 52 puntu) eta hiru puntu ateratzen dizkio hirugarren den Zirbenari (51 puntu).

Bestalde, jaitsiera saihesteko lehian Ondarroa (18 puntu) hamargarren, Santurtzi (17 ountu) hamaikagarren eta Samertolamu (11 puntu) hamabigarren.

Orioko Banderako sailkapena:

Orioko Banderako sailkapena. Argazkia: EITB Media

Eusko Label Ligako sailkapen nagusia:

Eusko Label Ligako sailkapen nagusia. Argazkia: EITB Media

Zure interesekoa izan daiteke

Jon Salsamendi, Urdaibairen entrenatzailea: ''Ez gaude konforme lortutakoarekin''

Urdaibaiko entrenatzailea, Jon Salsamendi, ez dago gustura egindako denboraldiarekin, ez emaitzekin, egunerokoan bizi duenarekin baizik. Kontatu digunez, daukaten onena ateratzea lortu ez izanaren sentsazioa du taldeak.

Manu Bernardez, bizikletan jauziak egitea maite duen arraunlaria

Urdaibain arraun egiteaz gain, bizikletan jauziak egitea gustuko du Manu Bernardezek. Bideo honetan erakustaldi txiki bat egin du.

Urdaibaiko arraunlari bati arrauna puskatu zaio

Mikel Calleja arraunlariari arrauna puskatu zaio Eusko Label Ligan, Orio Kanpina Banderako bigarren txandan.

2025eko Eusko Label Ligako Fabrika Bandera: Urdaibairen estropada, ontzi barrutik ikusita

Urdaibai bigarren izan da Eusko Label Ligako Fabrika Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.

Bermeo-Urdaibai egungo txapeldunaren helburuak, Jon Salsamendiren arabera

Jon Salsamendi Bermeo-Urdaibaiko entrenatzailea elkarrizketatu du Ana Ramosek Kirolen tartean. Eusko Label Ligako egungo txapeldunak sasoi berrirako dituen helburuez hitz egin du besteak beste.

Salsamendi (Bermeo-Urdaibai): ''Bermeon ez dago espekulatzerik, traineru azkarrena edukitzen saiatuko gara''

Jon Salsamendi Bermeo-Urdaibairen entrenatzaileak EITB Mediarekin hitz egin du 2025eko denboraldian izango dituzten helburuez. Besteak beste, azpimarratu du ez daudela udako emaitzekin obsesionatuta.