Saralegik aurrera egin du Urrutikoetxeari irabazi ostean
Ekaitz Saralegik 22-13ko emaitzarekin irabazi dio Mikel Urrutikoetxeari Balmasedan jokatu duten Lau t'erdiko txapelketako lehen partida. Ondorioz, Amezketako pilotariak final-zortzirenetara sailkatzea lortu du.
Partida ondo hasi da Mikel Urrutikoetxearentzat 1-4ko partzialarekin, baina Saralegik sakea berreskuratu duenean guztiz aldatu da norgehiagoka. Bere sakearekin jaun eta jabe izan da Saralegi, eta Urrutikoetxea ezinean ibili da. Amezketako pilotariak hamar tantoko abantaila hartu du bere sakearekin, eta Urrutikoetxeak emaitza txukuntzea lortu duen arren, garaipenak ez dio ihes egin Saralegiri (22-13).
Saralegik Titin III.aren aurka jokatuko du final-zortzirenetako partida datorren larunbatean.
Zure interesekoa izan daiteke
Peio Etxeberria, finalaren biharamunean: ''Oso pozik nago hau lortuta''
Peio Etxeberria da lau t'erdiko txapelduna, atzoko finalean Javi Zabala mendean hartuta. Nola sentitzen den kontatu du biharamunean.
Harrera beroa egin diote Peio Etxeberria txapeldunari
Lau T'erdiko txapeldun berriaren zain egon dira lagunak eta familia, denek batera gogoz ospatzeko txapela.
2025eko Lau t'erdiko Txapelketaren egutegia eta emaitzak
Urriaren 3tik azaroaren 16ra bitartean jokatuko dute.
Peio Etxeberriak aurrenekoz irabazi du Lau t'erdikoa, finalean Zabala menderatuta (22-11)
Errioxarrak ekin dio hobeto partidari, baina, 2-4kotik, nafarra gehiago izan da, eta aise gailendu. Horrenbestez, Peio Etxeberriak lehen aldiz bereganatu du txapela Lau t'erdikoan.
Javi Zabala: ''Peio Etxeberriak oso ondo jokatu du paretatik, oso luze; ezin izan dut haren lekutik atera''
Naiarako pilotariak 2025eko Lau t'erdiko finala galdu du, 22-11, Peio Etxeberria aurkari. Norgehiagokaren ostean, Zabalak adierazi du gakoetakoa izan dela nola, 2-4koan, nafarrak buelta eman dion egoerari (adierazpenak, gaztelaniaz).
Peio Etxeberria: ''Tentsioa nuen, lehen tantoa oso gogorra izan da; saiatu naiz egiten hona ekarri nauena''
Zenoztarrak 2025eko Lau t'erdiko Txapelketa irabazi du, final handian Javi Zabala 22-11 mendean hartuta. Partida amaitutakoan, Peio Etxeberriak onartu du kosta egin zaiola hasieran Zabalari aurre egitea, eta, hunkituta, egunerokoan aldamenean izaten dituenak gogoratu ditu.
Peio Etxeberriak Lau t’erdiko Txapelketa irabazi du, finalean Zabala aise menderatuta (22-11)
Zenoztarrak Javi Zabala mendean hartu du, errioxarrak partidari nafarrak baino hobeto eutsi badio ere, igandean jokatu duten finalean; hala, Lau t’erdikoan lortu duen lehenengo txapela bereganatu du, 2023an eta 2024an txapeldunorde amaitu eta gero.
Nork irabaziko du finala, gure adituen arabera?
Egun bat besterik ez da falta Peio Etxeberriaren eta Javier Zabalaren arteko final handirako. Finalaren atarian, gure adituengana jo dugu euren iritzia jakiteko.
Peio Etxeberria eta Javier Zabala, final oso ireki bateko lehen txapelaren bila
Azken bi edizioetan finalista izateak Zenozko pilotaria faborito egin du pronostikoetan, lehen mailan titulurik ez duen baina sekulako progresioa izan duen Zabalaren aurka. Finala eitb.eus-en izango da ikusgai, igande honetan, 16:30etik aurrera.
Titin III: ''Javierrek final handia egingo duelakoan nago''
18 urte geroago, pilotari errioxar batek berriro eraman lezake Lau t'erdiko txapela. 2007an azkenengoz balentria hori lortu zuen pilotari errioxarrarekin izan gara, Augusto Ibañez, Titinekin. Bihotzeko gaitz bat igarota, frontoietan bueltan da berriz.