Zorte pixka batek garaipena eman die Bengoetxeari eta Beroizi
Bengoetxeak eta Beroizek Irujo eta Zabaleta hartu dituzte mendean, partida estu batean (22-21), Binakako Txapelketako hirugarren jardunaldian. Eibarko Astelena pilotalekuan jokatutako partida ikusgarria eta zirraragarria izan da; izan ere, Beroizi ihes egindako pilota batek neurketa erabaki du azken tantoan.
Horrela, Bengoetxeak eta Beroizek porrotik jaso gabe jarraitzen dute eta hirugarren garaipena jarraian bildu dute. Bien bitartean, Irujok eta Zabaletak txapelketako aurreneko porrota jaso dute.
Zabaleta atzeko koadroetan nagusi izan da une oro, baina Beroizek baino pilota gehiago galdu ditu eta horrek bikoteari kalte egin dio amaieran.
Aurreko koadroetan alternatibak izan dira eta bi aurrelariek tantoa bukatzeko orduan asmatu dute. Beroizek ez du eraginkortasun handirik azaldu, baina sendo agertu da eta Bengoetxeak tanto bat baino gehiago irabazi du aurrean.
Horrela, norgehiagoka detaile txikiek eta zorteak erabaki dute; izan ere, Leitzako aurrelariak eta Huarteko atzelariak zortea alde izan dute azken tantoan.
Neurketa tantoz tanto: 0-1; 1-1; 2-1; 3-1; 4-1; 4-2; 5-2; 6-2; 7-2; 7-3; 7-4; 8-4; 9-4; 10-4; 11-4; 11-5; 11-6; 11-7; 11-8; 11-9; 12-9; 12-10; 12-11; 13-11; 13-12; 14-12; 14-13; 14-14; 15-14; 15-15; 16-15; 17-15; 18-15; 19-15; 19-16; 19-17; 20-17; 20-18; 20-19; 21-19; 21-20; 21-21; 22-21.
Zure interesekoa izan daiteke
Jon Ander Albisu: “Faborito kartel hori irabazi egin dugu, kantxan erakutsi dugun mailagatik”
Unai Laso eta Jon Ander Albisu elkarrizketatu ditugu ataunen, Binakako Txapelketa irabazi eta biharamunean. Ospakizunak luzatu ziren arren, bi pilotariak pozik eta harro ageri dira.
Ataundarrek omenaldi beroa egin diote Albisuri
Eguraldi eskasak ez du harrera zapuztu. Aurreskua dantzatu diote, eta bertsolariek bertsoak bota dizkiote. Ustekabeko nagusia Unai Lasok eman dio pilotari ataundarrari, atzelariak ez baitzuen espero aurrelariak omenaldian parte hartzea. Albisu herriarekin "oso eskertuta" azaldu da.
Laso eta Albisu txapeldunek senideekin eta lagunekin ospatu dute, igande gauean, Binakako finalean lortutako garaipena
Unai Lasok eta Jon Ander Albisuk, arratsaldean, Nafarroa Arenan, finalean, Altuna III.a eta Ezkurdia menderatu zituzten; gauean, senideekin eta lagunekin ospatu dute, giro ederrean.
Jon Ander Albisu, Binakako finaleko pilotaririk onena
Atzelari ataundarrak, Unai Lasorekin batera lortutako txapelaz gain, finaleko pilotaririk onenarentzako saria ere eskuratu du, igandean, Nafarroa Arenan.
Ia 3 minutu iraun ditu finaleko tantorik onenak!
Tanto gogorra eta oso lehiatua izan da 9 eta 13koa. 2:59ko iraupena izan du eta guztira 69 pilotakada eman dituzte finaleko lau protagonistek. Finalak izan duen tentsioaren eta lehiakortasunare adierazle garbia.
ARGAZKI-GALERIA: Unai Laso eta Jon Ander Albisuk irabazitako Binakako Txapelketako finalak utzitako irudi ikusgarriak
Unai Laso eta Jon Ander Albisu 16-22 gailendu zaizkie Jokin Altuna eta Joseba Ezkurdiari, Nafarroa Arenan jokatutako 2026ko Binakako Txapelketako finalean. Galeri honetan, neurketak utzitako hainbat une esanguratsuren argazkiak aurkituko dituzue.
Unai Laso hunkitu egin da Txus Villalabeitia fisioterapeutaren mezuarekin
Jon Ander Albisurekin batera Binakako Txapelketako finala irabazi eta gero, Unai Lasok hamaika zorion mezu jaso ditu, tartean Txus Villalabeitia fisioterapeutarena.
Albisuren ama eta anaia: “Ametsa bete da"
Jon Ander Albisuren ama eta anaia pozez gainezka agertu dira Baikoko pilotariak partida irabazi ostean. Bitxikeria bat ere kontatu dute: pilotariaren alabak amets egin zuen aitak txapela irabaziko zuela.
Unai Laso: "Oso hunkituta nago"
Unai Laso eta Jon Ander Albisu dira 2025-2026ko Binakako Txapelketako txapeldunak. Baikoko pilotariak lehen aldiz nagusitu dira txapelketa honetan, Altuna III.a eta Ezkurdia 16-22 garaituta. Lasok hunkituta egin ditu lehen adierazpenak.
Jon Ander Albisu: “16 urte eta gero, txapela buruan”
Unai Laso eta Jon Ander Albisu dira 2025-2026ko Binakako Txapelketako txapeldunak, Altuna III.a eta Ezkurdia 16-22 garaituta. Ataungo pilotariaren lehen hitzak jaso ditugu bideo honetan.