Urdaibaik bikain ekin dio 2024ko Eusko Label Ligari, Coruñako Bandera irabazita
Urdaibaik irabazi du Coruñako Bandera, 2024ko Eusko Label Ligako estreinako estropadan nagusituta. Hala, bada, Bermeoko taldea da sailkapen nagusiko lehen liderra.
Lehen txandako onena Hondarribia izan da 20:26,15 markarekin. Bigarren txandan Donostiarra izan da nagusi, baina 20:28,36ko marka ez da nahikoa izan hondarribiarrena hobetzeko. Azken txandan lehiatu da Urdaibai; erreferentziak izan ditu Bermeoko taldeak, eta 20:14,24ko denborarekin bere txanda irabazteaz gain, Coruñako Bandera ere bereganatu du. Hondarribiarentzat izan da bigarren postua eta Donostiarrarentzat hirugarrena. Laugarren amaitu du Zierbenak.
Lehen estropada jokatuta, Urdaibai dago sailkapen nagusiko lehen postuan 12 punturekin, Hondarribia bigarren 11rekin eta Donostiarra hirugarren 10ekin. Sailkapeneko azken postuan da Bueu puntu bakarrarekin eta San Pedro azken-aurrekoan 2 punturekin.
Coruñako Banderako sailkapena:
Zure interesekoa izan daiteke
Jon Salsamendi, Urdaibairen entrenatzailea: ''Ez gaude konforme lortutakoarekin''
Urdaibaiko entrenatzailea, Jon Salsamendi, ez dago gustura egindako denboraldiarekin, ez emaitzekin, egunerokoan bizi duenarekin baizik. Kontatu digunez, daukaten onena ateratzea lortu ez izanaren sentsazioa du taldeak.
Manu Bernardez, bizikletan jauziak egitea maite duen arraunlaria
Urdaibain arraun egiteaz gain, bizikletan jauziak egitea gustuko du Manu Bernardezek. Bideo honetan erakustaldi txiki bat egin du.
Urdaibaiko arraunlari bati arrauna puskatu zaio
Mikel Calleja arraunlariari arrauna puskatu zaio Eusko Label Ligan, Orio Kanpina Banderako bigarren txandan.
2025eko Eusko Label Ligako Fabrika Bandera: Urdaibairen estropada, ontzi barrutik ikusita
Urdaibai bigarren izan da Eusko Label Ligako Fabrika Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Bermeo-Urdaibai egungo txapeldunaren helburuak, Jon Salsamendiren arabera
Jon Salsamendi Bermeo-Urdaibaiko entrenatzailea elkarrizketatu du Ana Ramosek Kirolen tartean. Eusko Label Ligako egungo txapeldunak sasoi berrirako dituen helburuez hitz egin du besteak beste.
Salsamendi (Bermeo-Urdaibai): ''Bermeon ez dago espekulatzerik, traineru azkarrena edukitzen saiatuko gara''
Jon Salsamendi Bermeo-Urdaibairen entrenatzaileak EITB Mediarekin hitz egin du 2025eko denboraldian izango dituzten helburuez. Besteak beste, azpimarratu du ez daudela udako emaitzekin obsesionatuta.