Lehen puntua lortu du Bengoetxea-Beroiz bikoteak

Oinatz Bengoetxeak eta Mikel Beroizek osatutako bikoteak Berasaluze eta Albisu gainditu ditu Bilboko Bizkaia pilotalekuan jokatutako Binakako Txapelketako partidan (22-21). Neurketa parekatua izan da, eta protagonismo nagusi atzelariek izan dute, euren lana izan baita erabakigarria. Partida urdinen alde zenean (21-17), neurketa berdindu dute Berasaluzek eta Albisuk (21-21), baina azkenean ezin izan dute garaipena lortu.

Gauzak horrela, Bengoetxeak eta Beroizek txapelketako final-laurdenetako ligaxkaren aurreneko puntua lortu dute. Asteartean, Eibarren, indarrak neurtuko dituzte Olaizola II-Ibai Zabala eta Titin-Merino bikoteek (zuzenean eitb.com.en eta ETB-1en, 17:00etatik aurrera).