Anaitasunak Jose Paulo Silva pibotea fitxatu du
Helvetia Anaitasunak ofizial egin du Jose Paulo Silva pibote portugaldarraren etorrera. 24 urteko jokalaria kosturik gabe iritsi da Iruñera, SC Vitoriarekin zuen kontratu-harremana amaitu ondoren.
Francisco de Holanda taldeko harrobian hezitako jokalariak, defendatzeko gaitasuna izateaz gain, 6 metroetatik eraginkortasun handia du. 17 urtez azpiko eta 21 urtez azpiko Portugalgo selekzioarekin jokatu du. Bere ibilbidean zehar, 190 partida baino gehiago pilatu ditu Portugalgo ligan, Andebol 1 izenekoan, eta 8 Europako txapelketetan.
2019/20 denboraldian Boavistak fitxatu zuen, eta urtebete geroago SC Hortan taldera joan zen. Azken talde horrekin, 127 gol sartu zituen 33 partidatan.
2021ean, ABC Bragak fitxatu zuen, eta hiru denboraldi eman zituen bertan. 2023/24 denboraldian, bestalde, EHF European League jokatu zuen, eta 8 partidatan 19 gol sartu zituen.
Aurreko denboraldian, berriz, Vitoria SC taldean jokatu du, bere jaioterriko taldean. Orain, Jose Paulo Silva Anaitasunara dator, bere kirol ibilbidearekin jarraitzeko eta talde berdeari bere helburuak lortzen laguntzeko.
Zure interesekoa izan daiteke
Nacho Moyano Anaitasunako kirol zuzendaria ere izango da, entrenatzailea izateaz gain
Kargu hori gizonezkoen lehen taldeko entrenatzaile izatearekin batera beteko du madrildarrak.
Nacho Moyano, Helvetia Anaitasunako entrenatzaile berria
Entrenatzaile berriak 2027ko ekainera arte sinatu du, eta Asobal Ligara igotzea izango du helburu nagusi.
Pablo Castrok ez du Anaitasunan jarraituko
28 urteko pibotak Morrazorekin sinatu du 2027ko ekainera arte.
Quique Dominguez, hunkituta: ''Triste noa, baina harro''
Quique Dominguez Helvetia Anaitasunaren entrenatzaileak kluba "triste" utzi du Zilarrezko Ohorezko Mailara jaitsi ondoren, baina "harro" Iruñean bost urtez egindako bide "ederragatik". (Adierazpenak, gaztelaniaz)
Anaitasuna Zilarrezko Ohorezko Mailara jaitsi da
Azken jardunaldian irabazi arren, aurkari zuzenen emaitzek ez diote mesederik egin, eta ezin izan dio mailari eutsi, Plenitude Liga azken postuan amaitu du eta.
Helvetia Anaitasunak kontratua berritu dio Dani Santamariari, 2026ra arte
Ciudad Realeko atezaina joan den denboraldian iritsi zen Nafarroako taldera, Guadalajaratik. 21 neurketa jokatu ditu orain arte: 20, Asobal Ligan, eta bat, Errege Kopan.
Pablo Itoizek Anaitasunarekin berritu du, denboraldi batez, 2026ra arte
Nafarroako taldearen harrobian hazita, Itoizek, 21 urtekoa bera, Quique Dominguez entrenatzailearen konfiantza bereganatu du, 2024-25 denboraldian. Kontratua ekainean amaitzen zitzaion, baina jokalariak eta klubak adostu dute urtebetez luzatzea.
Aitor Garciak Anaitasuna utziko du denboraldi amaieran
Aitor Garcia Helvetia Anaitasunako kapitainak ez du Nafarroako taldean jarraituko datorren denboralditik aurrera. Prentsaurrekoan argitu du zergatik utziko duen Anaitasuna. (adierazpenak gaztelaniaz)
Quique Dominguezek ez du Helvetia Anaitasuna entrenatzen jarraituko denboraldi amaieran
Quique Dominguezek prentsaurrekoa egin du erabakia azaltzeko. Karguan bost urte egin ostean, tenikari galiziarrak taldea utziko du sasoi honen bukaeran. Oso eskertuta agertu da Nafarroako taldearekin.