Eibar Errege Kopako bigarren kanporaketan izango da, Pamplona argi garaituta (0-3)
Martonek partidako hasieran sartu du aurreneko gola, Mutilnovan, eta Magunazelaiak egin ditu talde armaginaren beste bi golak. Eibarrek erakutsi du Pamplona baino gehiago dela, eta merezita izango da bigarren kanporaketako zozketan, hilaren 23an.
Eibar 0-3 gailendu zaio Pamplonari. Argazkia: SD Eibar.
Eibar 2026-2027 denboraldiko Errege Kopako bigarren kanporaketarako sailkatu da, asteartean, eta Pamplona txapelketatik kanpo gelditu da. Lehen kanporaketan bi taldeek Mutilnovan jokatu duten derbian, Eibar 0-3 gailendu da, Javi Martonek eta Jan Magunazelaiak, azken horrek bi aldiz, sartu dituzten golei esker.
Talde armaginak nagusitasuna erakutsi du partidan. Jokin Aranbarriren taldea berehala jarri da aurretik, bigarren minutuan, Martonen bidez. Pamplonak, hurrengo minutuetan, estutu egin du, eta ondo ahalegindu da; gol aukeraren bat ere sortzea lortu du Nafarroako taldeak. Magunazelaiak, baina, 22. minutuan, 0-2koa sartu du, eta horrek sendotu egin du Eibar.
Bigarren zatian, erritmoa ez da lehen zatian bezain bizia izan. Magunazelaiak, 53. minutuan, bere bigarren gola egin du, Eibarren hirugarrena, eta horrek ia-ia erabakita utzi du kanporaketa.
Nabarmentzeko modukoa da, dena den, Pamplona gogor saiatu dela gutxienez gol bat sartzen; azkenean, ezin izan du lortu.
Horrenbestez, Eibar Errege Kopako bigarren kanporaketako zozketan izango da; hori hilaren 23an egingo dute, Madrilen, 13:00etatik aurrera.
Zure interesekoa izan daiteke
Amaia Gorostiza: "The time has come to close one stage and open another"
Amaia Gorostiza will not continue as president of Eibar
The Hypermotion League match Castello-Eibar was postponed due to the death of Jesus de Miguel
The Eibar added a point to the Almeria with a spectacular goal of Pejiño (1-1)
Missing a last-minute penalty left the Eibar without points against Valencia (2-1)
Eibar recovers a point against Madrid (2-2)
The Eibar has fallen to Cordoba and has not won for three days (2-0)
The Eibar is close to going back to the Deportivo (2-3)
