Ce texte a été traduit automatiquement, elle peut contenir des erreurs ou des inexactitudes.
Fitxaketa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Kirolak atariko abantailak aprobetxatzeko.

Igor Arrieta Lidl-Trek taldean arituko da, 2029ra arte

Txirrindulari nafarrak, 23 urtekoa bera, UAE utziko du, azken hiru denboraldietan talde horretan eman eta gero, eta Alemaniako taldean ondorengo hiru urteetan ibiliko da: “Uste dut hazten jarraitu ahal dudala, Lidl-Treken; motibatu egiten nau Skjelmose, Pedersen edo Ciccone bezalako ziklista bikainekin aritzeko aukera izateak”, adierazi du. 

Igor Arrieta (UAE)

Maiatzean, Igor Arrietak 2026ko Italiako Giroko bosgarren etapa irabazi zuen. Argazkia: Europa Press.

KIROLAK EITB LOGO

EITB

Azken eguneratzea

Igor Arrieta Lidl-Trek taldean arituko da ondorengo hiru denboraldietan, 2029ra arte, astelehenean Alemaniako taldeak iragarri duenez. Txirrindulari nafarrak, 23 urtekoa bera, UAE utziko du, azken hiru denboraldietan talde horretan eman eta gero: “Uste dut hazten jarraitu ahal dudala, Lidl-Treken; motibatu egiten nau Skjelmose, Pedersen edo Ciccone bezalako ziklista bikainekin aritzeko aukera izateak”, esan du Arrietak, albistea baieztatuta, bere talde berriaren web orrian jasota dauden adierazpenetan.

Horrenbestez, Uharte Arakilgoak WorldTourrean jarraituko du. Orain arte, garaipen bat du lortuta horretan: 2026ko Italiako Giroko etapa bat. Lidl-Trekek nabarmendu du, halaber, Estatuko txirrindularitzan etorkizun oparoenetakoa duen gazte bat fitxatu duela, eta gogora ekarri du nola, 2026ko Itzulian, zortzigarren postua erdietsi zuen.

“Sentsazio oso onak ditut, Lidl-Trekekin sinatuta”, adierazi du txirrindulari nafarrak. 

UCI World Tour Igor Arrieta Cyclisme

Zure interesekoa izan daiteke

Gehiago ikusi
Publizitatea
X
Publizitatea
X