Zortzi palistarik onenak lehiatuko dira Sopela Pro'24 txapelketan, irailaren 2tik aurrera
Palisten rankingeko lau aurrelari onenak eta lau atzelari onenak lehiatuko dira irailaren 2tik aurrera, astelehenero, Sopela Pro'24 txapelketan; aurreneko aldiz jokatuko dute txapelketa hori, eta ostegunean aurkeztu dute. Honako hauek dira lau bikote parte-hartzaileak: Maldonado-Gordon, Necol-Del Rio, Gaubeka-Ibai Perez eta Fusto-Urrutia. Lehia irailaren 2an hasiko da, kanporaketa faseari ekinda, hilaren 9an, 16an eta 23an liga fasea izango da, eta final handia hilaren 30erako dago aurreikusita. EITBk partida guztiak emango ditu, 22:30etik aurrera, eitb.eus-en eta ETB1en bidez.
Testuinguru horretan, arestian esan bezala, egungo aurrelari eta atzelari onenek osatzen dituzte txapelak janzten ahaleginduko diren lau bikoteak; hauek dira:
Roman Maldonado-Iker Gordon
Dan Necol-Asier del Rio
Esteban Gaubeka-Ibai Perez
Pablo Fusto-Iñaki Urrutia
Partidak bost jokora jokatuko dituzte; lehenengo laurak hamar tantora eta binako berdinketa balego, bosgarren jokoa egingo lukete, bost tantora.
Sopela Pro'24 txapelketan izango dira kanporaketa fasea, irailaren 2an, liga fasea, irailaren 9an, 16an eta 23an, eta finala, hilaren 30ean. Sopelan jokatuko dituzte partida guztiak.
Kanporaketa fasea (irailaren 2an)
Fase honetan, bi partida izango dira. Zozketa batek zehaztu du partida horiek honakoak izango direla: Gaubeka-Ibai Perez Necol-Del Rio bikotearen aurka, eta Maldonado-Gordon Fusto-Urrutia bikotearen kontra. Bi bikote irabazleek bermatuta izango dute liga fasea jokatzea; bi bikote galtzaileei dagokienez, kontuan izango da zein emaitza izan duen horietako bakoitzak (irabazitako jokoak, eta, beharrezkoa izango balitz, aldeko eta kontrako tantoak). Emaitzarik txarrena eskuratu duen bikote galtzailea txapelketatik at geldituko da, eta besteak, aldiz, lehian jarraituko du.
Liga fasea (irailaren 9an, 16an eta 23an)
Liga faserako sailkatzea lortzen duten hiru bikoteek elkarren aurka jokatuko dute iraileko ondorengo hiru astelehenetan. Hala, hilaren 9an kanporaketa faseko bi bikote irabazleak kantxaratuko dira; hilaren 16an, aldiz, 9ko irabazleak eta kanporaketa fasean galtzaile irten zirenak arituko dira nor baino nor gehiago; eta hilaren 23an, azkenik, 2ko eta 9ko galtzaileak izango dira protagonistak.
Hiru jardunaldi horietan, garaipena lortzen duen bikoteak puntu bat eskuratuko du eta galtzaileak, aldiz, punturik ez du izango. Horrenbestez, sailkapenak zehaztuko du zein bi bikotek jokatuko duten final handia. Bi edo hiru bikoteren arteko berdinketa izango balitz, irabazitako eta galdutako jokoak izango lituzkete kontuan eta, beharrezkoa balitz, aldeko eta kontrako tantoak.
Finala (irailaren 30ean)
Liga fasean sailkapeneko lehenengo bi postuetan sailkatutako bikoteek finala jokatuko dute.
Zure interesekoa izan daiteke
Maldonado eta Gordon, irribarreari eutsi ezinda, Sopela Pro'24ko txapelak jantzita
Aurrelari argentinarrak eta Sopelako atzelariak, astelehenean, Pala Joko Sopela Pro'24 txapelketa irabazi zuten, finalean Esteban Gaubeka eta Ibai Perez lau jokotan menderatuta; biharamunean, txapeldunekin izan da EITB.
Faboritoek ez dute huts egin Sopelan
Maldonadok eta Gordonek jantzi zuten atzo gauean Sopela Pro'24 pala txapelketako txapela, Gaubeka eta Ibai Perez mendean hartuta. Partida gogorra izan zela onartu zuten protagonistek neurketa ostean.
Gordon: ''Partidu gogorra izan da; hasieran txarto hasi naiz, baina, azkenean, partiduan sartzea lortu dut''
Lehenengo jokoan ez dela ondo hasi aitortu du sopeloztarrak, baina Roman Maldonadok egindako jokaldiei esker, apurka-apurka partiduan sartzen joan da eta, bigarrenetik aurrera, ernatu eta gogor eta gustura ekin dio jokoari.
Maldonadok eta Gordonek jantzi dituzte Sopela Pro24'ko txapelak
Maldonado-Gordon bikoteak jokatu du gaurko finala Gaubeka-Perezen kontra, eta lehenengoak gailendu dira, lau jokora. Ibai Perezek, bere aldetik, txapelketako palistarik onenaren sari berezia jaso du.
Maldonadok eta Gordonek irabazi dute Sopela Pro'24 txapelketa, finalean Gaubeka eta Ibai Perez mendean hartuta
Torneoko txapeldunak, titulurako partidan, lau jokotan nagusitu dira, 7-10, 10-9, 10-3 eta 10-5. Maldonado eta Gordon hobeto aritu dira, eta merezita eskuratu dute garaipena.
Maldonado-Gordon vs Gaubeka-Perez Sopela Pro'24 txapelketako finala, gaur gauean, eitb.eus-en eta ETB1en
Pala Joko Sopela Pro'24 txapelketako finala jokatuko dute Maldonado-Gordon eta Gaubeka-Perez bikoteek, astelehen honetan, irailaren 30ean. Norgehiagoka 22:30etik aurrera ikusi ahalko duzu, eitb.eus-en eta ETB1en.
Sopela Pro txapelketaren final handia, gaur, ETB1en eta eitb.eus atarian
Maldonado-Gordon eta Gaubeka-Perez pilotariak lehian arituko dira gaur, pala txapelketa honetako final handian. Jarraitu 22:30etik aurrera, ETB1en eta eitb.eus atarian.
Ikusmina Pala Joko Sopela Pro'24ko final handirako
Dena prest dago irailaren 30eko, asteleheneko Sopela Pro'24 txapelketako finalerako. Maldonado-Gordon eta Gaubeka-Perez bikoteak ibiliko dira nor baino nor gehiago. Finala ETB1en eta eitb.eus-en ikusi ahalko da, 22:30ean.
Maldonado-Gordon eta Gaubeka-Perez bikoteek Sopela Pro'24 txapelketako finalerako materiala hautatu dute
Maldonado-Gordon eta Gaubeka-Perez bikoteek jokatuko dute Pala Joko Sopela Pro'24 txapelketako finala, astelehenean, irailaren 30ean. Lau finalistek materiala aukeratu dute jada. Finala ETB1en eta eitb.eus-en izango da ikusgai, irailaren 30ean, 22:30ean.
Gaubeka eta Ibai Perez, Sopela Pro finalera
Necol eta Del Rio lau jokotan garaituta, Maldonado eta Gordonen aurka arituko dira irailaren 30ean jokatuko den finalean.